مطمورة منصة توثيقية بتوثق وتأرشف انتهاكات حقوق الإنسان ضمن قضايا مختلفة. بنستعرض فيها قصص واقعية لتجارب ناجين وناجيات وبنعكسها من خلال أشكال فنية مختلفة زي القصص والأفلام القصيرة.

أهداف المشروع

بيهدف المشروع لأنسنة وتخليد ذكرى انتهاكات حقوق الإنسان الحصلت و لسه بتحصل ضد مجتمعات سودانية مختلفة، وبيهدف لأنو قصص الضحايا تساعدنا نبني نموذج سوداني للعدالة الانتقالية بيشبه تجاربهم/ن وتطلعاتهم/ن.


منهجية المشروع
بيعتمد المشروع بشكل أساسي على أنه يستخدم التوثيق البقوم على الشهادات والمقابلات، عشان يجمع قصص حول انتهاكات حقوق الإنسان. جمع المحتوى بيكون من مصادر مفتوحة بتوضّح الانتهاكات في شكل فيديوهات، صور، أو كتابات بتوصّف الشهادات الاتقالت في المقابلات. القصص دي بيتم إنتاجها في أشكال محتوى مختلفة، زي الفيديوهات القصيرة، والوثائقيات، والقصص المكتوبة، والقصص الصوتية.

عمليات التحقق والأرشفة في المشروع

القصص من الضحايا والناجين والناجيات بتتجمع بشكل مباشر عن طريق شباب و شابات من السياق نفسه، ومرات بكونوا ناس شملهم الحادث أو الانتهاك. الشباب والشابات بحددوا/ن منو تتعمل ليهم/ن مقابلة بالتشاور مع هيئات توثيق الشباب المحلية وقادة المجتمع. تتكتب المقابلات و بيحصل إخفاء لهوية المشاركين والمشاركات، بعدين بتتم أرشفتها في أماكن رقمية مختلفة، وبيتم مشاركتها بالطريقة البتوافق الضحايا والناجين و الناجيات.
بيتم كمان التحقق من المحتوى من مصادر مفتوحة وفقًا لبروتوكول بيركلي للتحقيق في المصادر المفتوحة.

قصص مطمورة

قصص مطمورة عبارة عن معالجة ادبية لمجموعة من الشهادات والقصص والتجارب، بتناقش انتهاكات لحقوق الإنسان وأحداث اتعرض ليها مجموعات من السودانيين والسودانيات في مختلف أنحاء البلاد. هي قصص مصحوبة برسومات توضيحية اشتغل عليها مجموعة من الفنانين والفنانات.


قسم القصص

مصادر متعلقة بمشروع مطمورة

أطلق المشروع عمليات بحثية لدراسة الانتهاكات البتعرض ليها السودانيين والسودانيات. وركزت العمليات البحثية دي على انها توصل بقدر الإمكان للانتهاكات الما لقت حظها من تسليط الضوء، وبناءا عليه اتكتب عدد من التقارير البحثية.


عرض المصادر

فيديوهات مطمورة

فيديوهات مطمورة هي مقابلات تمت في إطار المشروع، بيحكي فيها الناجين والناجيات من الانتهاكات الجسيمة تفاصيل تجاربهم والظروف المرّوا بيها.​








كل الفيديوهات

Scroll to Top